Consello da Cultura Galega

Este artigo analiza The Outcast Child de Jacobo Priegue, unha novela escrita en lingua inglesa por un autor galego emigrante de nova xeración no Reino Unido. Trátase dun caso único de exofonía que se tería que considerar dentro dos estudos galegos onde a transterritorialización das personaxes engade interese a un texto producido en lingua estranxeira por un membro da nova diáspora galega. A pesar de tratarse dunha novela negra con trazos psicolóxicos, o texto pon de manifesto a interesante dicotomía existente entre o país de orixe e o país de acollida tanto da protagonista como do autor á hora de tratar a temática do trauma latente. The Outcast Child, aínda sendo un caso único, servirá para sinalar algunhas consideracións arredor da exofonía, do canon e do xeito no que a nova diáspora galega está a contribuír con textos escritos en lingua estranxeira aos estudos galegos.

Neste artigo analízase o libro Galicia inédita. Diario de viaxe de Annette Meakin, unha tradución ao galego da obra orixinal publicada en inglés en 1909 por Annette Meakin, Galicia the Switzerland of Spain, unha monografía etnográfica, realizada por unha muller inglesa para público inglés e pioneira da antropoloxía en Europa. Obra e autora brindan a oportunidade de coñecer algo máis das lóxicas subxacentes ás etnografías de viaxe sobre Galiza destinadas ao público europeo no paso do século xix ao xx, e dos valores socioculturais imbricados nos procesos de colonización no seu debagar cara aos imperialismos. O obxectivo é analizar as ló xicas de investigación empregadas pola autora para dar a coñecer a identidade de Galiza, os seus valores diferenciais e a galeguidade nas súas mulleres e homes, sen perder de vista a presenza ou ausencia de crítica ao sistema dos sexos, a política sexual e as definicións de clases e etnicidades

El presente estudio analiza las distintas entidades sujetas a la Ley 1/2016, de 18 de enero, de transparencia y buen gobierno, las obligaciones de publicidad activa aplicables a cada una de ellas, la obligación de suministrar información a cargo de personas privadas, así como las dificultades de aplicación de la ley en el caso de algunas entidades sujetas.

O Consello da Cultura Galega presenta a versión en inglés do material didáctico preparado pola Sección de Ciencia, Natureza e Sociedade do Consello da Cultura Galega para difundir a relevante contribución que o matemático Domingo Fontán Rodríguez (1788-1866) no campo da cartografía peninsular. O ano 2017 cumpríronse dous séculos do momento en que iniciou a elaboración da súa magna obra, a Carta Geomética de Galicia, un mapa moderno e rigoroso do noso territorio que sería base cartográfica de proxectos de ferrocarril e de estradas e fonte para a elaboración doutros mapas.